ریاض، سعودی عرب– پروفیشنل فائٹرز لیگ (PFL) MENA نے دی ایرینا ریاض میں شاندار فائٹ نائٹ پیش کی، جہاں مشرقِ وسطیٰ اور شمالی افریقہ کے بہترین فائٹرز نے اپنی مہارت اور ہمت دکھا کر 2025 کے تاریخی فائنلز میں جگہ بنائی۔ اب بینٹم ویٹ، فیذر ویٹ، لائٹ ویٹ اور ویلٹر ویٹ کے فائٹرز چیمپئن بننے سے صرف ایک فتح دور ہیں۔
مین ایونٹ میں کویت کے محمد العقرا (9-1) نے صرف 21 سیکنڈز میں تباہ کن TKO کے ذریعے مصر کے ایمن جلال (4-2) کو شکست دے کر ایک شاندار واپسی کی اور ویلٹر ویٹ فائنلز میں اپنی نشست پکی کی۔ العقرا اب سخت جان مراکشی فائٹر بدرالدین دیانی (10-3) کے مقابل ہوں گے، جنہوں نے ابتدائی فائٹ میں امیر فاضلی (7-4) کو اسپلٹ ڈسیژن سے ہرایا۔
کو-مین ایونٹ میں عراق کے ناقابلِ شکست اسٹار محمد فہمی (6-0) نے ایران کے محسن محمدسیفی (8-3) کو پہلے ہی راؤنڈ میں ریئر نیکڈ چوک کے ذریعے سبمشن کر کے لائٹ ویٹ فائنلز میں دھوم مچا دی۔ فہمی اب ایک اور ناقابل شکست فائٹر صلاح الدین ہملی (10-0) کا سامنا کریں گے، جنہوں نے شاندار فائٹ کے بعد تیسرے راؤنڈ میں آرم ٹرائینگل چوک سے سوحیل طیری (8-7) کو مات دی۔
سعودی عرب کے ابھرتے ہوئے ہیرو مالک باساہل (2-0) نے شائقین کو اپنے شاندار کھیل سے جھومنے پر مجبور کر دیا، جب انہوں نے مصر کے احمد مصطفی (3-2) کو دوسرے راؤنڈ میں سبمشن کے ذریعے شکست دے کر اپنے پروفیشنل کیریئر کی دوسری جیت سمیٹی۔
بینٹم ویٹ میں مصر کے اسلام یوسف (7-2) نے مراکش کے زاویئر الاوئی (16-7) پر شاندار متفقہ فیصلے سے کامیابی حاصل کی اور اب وہ نوراس ابزاخ (14-6) کے خلاف فائنل میں اتریں گے، جنہوں نے تجربہ کار مختار بنکاسی (25-10) کو یونینمس ڈسیژن سے مات دی۔
فیذر ویٹ فائٹ میں مصر کے اسلام رضا (14-1) نے مراکش کے طٰہ بن داؤد (5-1) پر مکمل کنٹرول رکھتے ہوئے یونینمس ڈسیژن کے ذریعے فتح حاصل کی۔ اب رضا کا مقابلہ فرانسیسی-الجزائری فائٹر یانِس غموری (13-3) سے ہوگا، جنہوں نے شام کے از الدین الدربانی (15-6) کو متفقہ فیصلے سے شکست دی۔
شائقین کے لیے ایک اور بڑی خوشخبری یہ ہے کہ سعودی خواتین کی ایم ایم اے اسٹار حطان السیف اپنی طویل انتظار کے بعد پیشہ ورانہ ڈیبیو کریں گی۔ حطان نے چار ایمیچر فائٹس میں ناقابل شکست 4-0 ریکارڈ کے ساتھ یہ موقع حاصل کیا اور اب پرو لیول پر قدم رکھنے جا رہی ہیں۔
پی ایف ایل مکسڈ مارشل آرٹس میں ایک عالمی رہنما ہے، جو منفرد اسپورٹس سیزن فارمیٹ کے تحت فائٹرز کو جیت اور اگلے مرحلے کے اصول پر مبنی لیگ میں مقابلے کا موقع فراہم کرتا ہے، جو بالآخر عالمی چیمپئن شپ ایونٹس پر ختم ہوتی ہے۔ PFL MENA مشرقِ وسطیٰ اور شمالی افریقہ کے بہترین فائٹرز کو عالمی سطح تک پہنچنے اور PFL گلوبل روسٹر میں شامل ہونے کی شاندار راہ فراہم کرتا ہے۔
دھماکہ خیز سیمی فائنلز کے بعد پی ایف ایل MENA فائنلز کے مقابلے طے.کویت کے محمد العقرا، عراق کے محمد فہمی اور خطے کے صفِ اول کے فائٹرز 5 دسمبر کو الخبر، سعودی عرب میں شاندار چیمپئن شپ نائٹ کے لیے میدان میں اتریں گے۔
