ریاض:
پاکستانی شہری کاشان سید نے سعودی عرب میں پہلی بار ٹورزم انڈسٹری کے تحت کمرشل رجسٹریشن (CR) حاصل کر کے تاریخ رقم کر دی ہے۔ یہ سنگ میل نہ صرف ان کی ذاتی کامیابی ہے بلکہ پاکستان کے لیے بھی باعثِ فخر ہے۔
کاشان سید گزشتہ ٢٠ سالوں سے سعودی عرب میں آف روڈنگ، ایڈونچر ٹورز اور نئے مقامات کی کھوج کے شوق کو پروفیشن میں تبدیل کرنے کی کوششوں میں مصروف رہے۔ وہ مختلف قومیتوں — برطانوی، امریکی، پاکستانی، بنگلہ دیشی اور دیگر — کو ایک گروپ کی شکل میں سعودی عرب کے پوشیدہ قدرتی حسن اور صحرائی راستوں کی سیر کرواتے رہے۔
اب انہوں نے اپنے شوق کو باضابطہ شکل دیتے ہوئے "Saudi Tourism – Dare to Discover” کے نام سے کمپنی رجسٹرڈ کرائی ہے۔ یہ اقدام نہ صرف سعودی وژن 2030 کے اہداف کے مطابق ہے بلکہ پاکستانیوں کے لیے ٹورزم کے میدان میں نئے دروازے کھولنے کا ذریعہ بھی بنے گا
