ریاض میں پاکستانی ثقافت اور دیسی مٹھائیوں کو فروغ دینے کے لیے “رواج سویٹس اینڈ بیکرز” کا باقاعدہ افتتاح کر دیا گیا۔افتتاح کمیونٹی ویلفیئر اتاشی صاعد عزیز اور جنت حسین نیکوکارا نے کیا۔
تقریب میں پاکستانی کمیونٹی، کاروباری شخصیات اور مختلف شعبہ ہائے زندگی سے تعلق رکھنے والے افراد نے بڑی تعداد میں شرکت کی اور اس اقدام کو سراہا۔
“رواج سویٹس اینڈ بیکرز” میں پاکستانی مٹھائیوں کے ساتھ ساتھ پیسٹریز، کیکس، سینڈوچز، رولز اور دہی بھلے سمیت مختلف اشیاء دستیاب ہیں، جو صارفین کی توجہ کا مرکز بن رہی ہیں۔
تقریب میں کمیونٹی ویلفیئر اتاشی صاعد عزیز کا کہنا تھا ۔ایسی چیزیں ہماری ثقافت کا اہم حصہ ہیں، اور پاکستانی مٹھائیاں دنیا بھر میں مقبول ہو رہی ہیں۔ یہاں سعودی بھی انہیں بہت پسند کرتے ہیں۔ میں نے یہاں کے گلاب جامن کھائے، جو بہت ہی مزیدار اور منفرد ذائقہ رکھتے ہیں۔
تقریب کے دوران کمیونٹی ویلفیئر اتاشی 2 ۔جنت حسین نیکوکارا نے بھی اس موقع کو خوش آئند قرار دیتے ہوئے کہا کہ ایسے اقدامات پاکستان کے مثبت تشخص کو اجاگر کرتے ہیں اور بیرون ملک پاکستانی کاروبار کو فروغ دیتے ہیں۔
رواج سویٹس کے مالک عبداللہ کا کہنا تھا۔ کہ سعودی عرب میں پاکستانی مٹھائیوں، خصوصاً گلاب جامن اور دیگر روایتی آئٹمز کی مانگ میں تیزی سے اضافہ ہو رہا ہے۔ انہوں نے کہا کہ ان کا مقصد نہ صرف بہترین معیار کی مٹھائیاں فراہم کرنا ہے بلکہ پاکستانی ثقافت کو عالمی سطح پر متعارف کروانا بھی ہے
تقریب میں آنے والے صارفین نے بھی مٹھائیوں اور دیگر اشیاء کے ذائقے کو سراہتے ہوئے کہا کہ ایسے مزید آؤٹ لیٹس کھلنے چاہئیں تاکہ انہیں پاکستان کے روایتی ذائقے سعودی عرب میں ہی میسر آ سکیں۔ہمیں بہت خوشی ہے کہ یہاں پاکستانی مٹھائیاں دستیاب ہیں۔ گلاب جامن کا ذائقہ بہت اچھا ہے، اور دیگر آئٹمز بھی بہترین ہیں۔ ہمیں یہاں پاکستان کا اصل ذائقہ ملتا ہے۔
رواج سویٹس اینڈ بیکرز کا قیام نہ صرف ایک کاروباری قدم ہے بلکہ یہ پاکستانی ثقافت اور ذائقوں کو عالمی سطح پر متعارف کروانے کی ایک اہم کوشش بھی ہے
