جدہ — یونائیٹڈ جرنلسٹس فورم کے چیئرمین اور چینل 5 سعودی عرب کے بیورو چیف جہانگیر خان کی سالگرہ کی تقریب جدہ میں نہایت شاندار انداز میں منعقد کی گئی۔ تقریب میں پاکستانی بزنس کمیونٹی اور صحافی برادری کی نمایاں شخصیات نے شرکت کی اور جہانگیر خان کو دلی مبارکباد پیش کی۔ اس موقع پر کیک کاٹا گیا اور جہانگیر خان کی صحافتی خدمات کو خراجِ تحسین پیش کیا گیا۔
تقریب میں بزنس کمیونٹی کی جانب سے حاجی عثمان، عقیل آرائیں، انجم اقبال وڑائچ، سجاد خان، عبد الخالق لک اور سردار اقبال نے شرکت کی۔ شرکاء نے کہا کہ جہانگیر خان نے نہ صرف میڈیا کے میدان میں نمایاں مقام حاصل کیا ہے بلکہ پاکستانی کمیونٹی کے اتحاد و ترقی میں بھی اہم کردار ادا کیا ہے۔
صحافی برادری کی جانب سے پاک اوورسیز میڈیا فورم کے چیئرمین ریاض گھمن، صدر شعیب راجہ، اراکین شباب بھٹہ، مرزا مدثر اور فواد احمد سواتی نے شرکت کی۔ فورم کے نمائندگان نے کہا کہ جہانگیر خان کی خدمات نوجوان صحافیوں کے لیے ایک مثال ہیں۔
یونائیٹڈ جرنلسٹس فورم کی نمائندگی چیئرمین جہانگیر خان، صدر یحییٰ اشفاق، جنرل سیکریٹری ملک عدیل، ممبران امداد حسین اور سید فہد نے کی۔ فورم کے اراکین نے اس موقع پر صحافت میں باہمی تعاون اور مثبت کردار پر زور دیا۔
تقریب میں سینئر صحافی محمد عدیل نے بھی خصوصی طور پر شرکت کی۔ انہوں نے جہانگیر خان کو سالگرہ کی مبارکباد دی اور ان کی کامیابیوں کے تسلسل کے لیے نیک خواہشات کا اظہار کیا۔ آخر میں شرکاء نے دعا کی کہ اللہ تعالیٰ جہانگیر خان کو صحت، کامیابی اور مزید ترقی عطا فرمائے۔
