ریاض-انجمن محبانِ رحمة للعالمین ﷺ کے زیرِ اہتمام ریاض میں ایک پرُوقار سیرت النبی ﷺ سیمینار منعقد ہوا، جس میں علم و ادب، مذہب اور سماجی خدمات سے وابستہ شخصیات نے بڑی تعداد میں شرکت کی۔
تقریب کی صدارت ممتاز عالمِ دین مولانا عبدالمالک مجاہد نے کی۔ اپنے خطاب میں انہوں نے کہا کہ سیرتِ طیبہ ﷺ آج کے دور کے لیے روشنی کا مینار ہے۔ نبی کریم ﷺ کی تعلیمات امن، محبت، عدل و انصاف، اور انسانی خدمت کا کامل پیغام ہیں، جن پر عمل پیرا ہو کر دنیا و آخرت میں کامیابی حاصل کی جا سکتی ہے۔
سیمینار کے مہمانانِ خصوصی میں رائے نجم نواز ثاقب (ویلفیئر اتاشی، سفارتخانہ پاکستان)،
خالد اکرم رانا، ڈاکٹر اویس محمود، ڈاکٹر حافظ عمران، اور سید تاج احمد (صدر پیغام کلب) شامل تھے۔
تقریب میں عمر فاروق کیلانی، حافظ عبدالحی، خالد اکرم رانا سمیت متعدد معزز شخصیات شریک ہوئیں، جبکہ انجینئر سلمان راشد، حنیف بابر، عبدالغفار مجاہد، غازی اسامہ عباس، عدنان الطاف، حافظ سعد ماجد، عکاشہ مجاہد، عبداللہ اقبال، حافظ اقبال راشد، اور راشد محمود کی خصوصی موجودگی نے تقریب کو مزید مؤثر اور پرُوقار بنا دیا۔
مقررین نے نبی کریم ﷺ کی ذاتِ اقدس کے مختلف پہلوؤں پر روشنی ڈالی اور امتِ مسلمہ کے اتحاد، استحکام، اور عالمی امن کے قیام کے لیے خصوصی دعا کی۔
