ریاض — سعودی عرب میں ممتاز سماجی و کاروباری شخصیت شیخ سعد سفر العمری سے ایک پاکستانی وفد نے ملاقات کی۔ ملاقات میں پاکستان اور سعودی عرب کے دوطرفہ تعلقات اور افرادی قوت کے شعبے میں مزید بہتری کے حوالے سے تفصیلی تبادلۂ خیال کیا گیا۔
پاکستانی وفد کی قیادت انجینئر سلمان راشد نے کی، جبکہ وفد میں چوہدری ندیم بگا، الشیخ حسیب حسن، امین عام مؤسسة الحسن الخيرية، عمر خادم، حاجی محمد یوسف اور چوہدری راحت شامل تھے۔
ملاقات کے دوران دونوں جانب سے کاروباری شراکت، ثقافتی روابط کے فروغ اور پاکستانی کمیونٹی کی فلاح و بہبود کے امور پر بھی بات چیت ہوئی۔
شیخ سعد سفر العمری نے اس موقع پر کہا کہ پاکستان اور سعودی عرب کے تعلقات برادرانہ بنیادوں پر استوار ہیں اور دونوں ممالک کے عوام دینی، ثقافتی اور تاریخی رشتوں میں منسلک ہیں۔
پاکستانی وفد نے شیخ سعد العمری کی سماجی خدمات اور پاکستان دوستی کو خراجِ تحسین پیش کیا۔
