چونیاں -مرکزی جمعیت اہلِ حدیث پنجاب کی جانب سے معروف دینی و سماجی شخصیت مولانا ظفر عباس نوید کو نائب ناظم رابطہ بین المدارس السلفیہ سنٹرل پنجاب تعینات کر دیا گیا ہے۔
اس سلسلے میں باقاعدہ نوٹیفکیشن صوبائی امیر حافظ محمد یونس آزاد نے باہمی مشاورت سے ناظمِ اعلیٰ ڈاکٹر مطیع اللہ باجوہ کی جانب سے جاری کیا۔
نوٹیفکیشن کے مطابق، مولانا ظفر عباس نوید سے توقع ظاہر کی گئی ہے کہ وہ جماعتی نظم و ضبط اور تعلیمی اداروں کے درمیان روابط کو مزید مضبوط بنانے کے لیے اپنی خدمات احسن انداز میں انجام دیں گے۔
دوسری جانب عوامی و سماجی حلقوں نے مولانا ظفر عباس نوید کی اس تعیناتی پر دلی مسرت کا اظہار کرتے ہوئے مبارکباد پیش کی ہے۔
مبارکباد پیش کرنے والوں میں مولانا عبداللہ طاہر (امیر مرکزی جمعیت اہلِ حدیث تحصیل چونیاں)، محمد عبداللہ امجد (ناظم مرکزی جمعیت اہلِ حدیث تحصیل چونیاں)، مطیع الرحمن بابر بھٹی، قاری سعید انور بھٹی اور محمد ارشد بگا (سرپرستِ اعلیٰ تحصیل چونیاں) شامل ہیں۔
تمام شخصیات نے اس امید کا اظہار کیا ہے کہ مولانا ظفر عباس نوید اپنی صلاحیتوں کو بروئے کار لاتے ہوئے دینی و تعلیمی سرگرمیوں کے فروغ میں اہم کردار ادا کریں گے۔
