اسلامی یکجہتی کھیلوں میں پاکستان ایک مضبوط 75 رکنی دستے کے ساتھ شریک ہوگا۔ پاکستان اسپورٹس بورڈ نے 62 کھلاڑیوں اور آفیشلز کو این او سی جاری کر دیا ہے۔ پاکستان اولمپک ایسوسی ایشن کے حکام اپنی مرضی سے ان گیمز میں شرکت کر رہے ہیں اور این او سی کی فہرست میں شامل نہیں ہیں۔
پاکستان مختلف کھیلوں میں حصہ لے گا جن میں ایتھلیٹکس، باکسنگ، جوجٹسو، کراٹے، سوئمنگ، ٹائیکوانڈو، ٹیبل ٹینس، ریسلنگ اور ووشو شامل ہیں۔ یہ کھیل سات نومبر سے 21 نومبر تک سعودی عرب کے دارالحکومت ریاض میں منعقد ہوں گے۔
اہم کھلاڑی اور آفیشلز کی تفصیلات:
ایتھلیٹکس: ارشد ندیم، یاسر سلطان، شہروز خان؛ کوچ سلمان بٹ، تنویر حسین، کرنل نبیل احمد بیگ
باڪسنگ: فاطمہ زہرا، اورا اکرم، ماریہ، قدرت اللہ؛ آفیشل: محمد نثار خان
جوجٹسو: حمیرا، شاہ زیب، ذاکر عباس؛ آفیشل: فیاض فیروز
کراٹے: فخرالنسا، لائبہ ضیا، محمد ابرار، شمس الدین، مبارک علی؛ کوچ: قراۃ العین، رابعہ سلیم، مینجر: محمد سلیم
سوئمنگ: حریم ملک، جہانگیر نبی، مہر مقبول، وجہیہ، عیشہ حیات ایوب، موحد صادق لون، سید محمد دانیال، اریان رحمان خاور؛ ٹیم مینجر: رضوان رفیع، کوچ: محمد عاطف
ٹائیکوانڈو: احتشام الحق، منیشہ علی، فاطمین، حمزہ عمر سعید؛ کوچ: یوسف کرمانی
ٹیبل ٹینس: بسمہ فریال، کلثوم خان، محمد شاہ خان، تیمور خان، اعجاز علی، حمزہ اکرام، حور فواد؛ مینجر: عرفان اللہ خان
ریسلنگ: حیدر علی بٹ، عنایت اللہ، محمد عبداللہ، محمد گلزار؛ کوچ: محمد انعام بٹ
ووشو: نمرا مبشر، رابعہ بتول، عبدالرحمان علی، صدام حسین، افتخار احمد انور، محمد اویس؛ ٹیم مینجر: عامر شہزاد بٹ
پاکستان اسپورٹس بورڈ نے ٹیم کے لیے سعید اختر خزانچی کو انتظامی ذمہ داری، ڈاکٹر سبینہ کو میڈیکل آفیشل اور سہیل گل کو انتظامی آفیشر مقرر کیا ہے۔
پاکستانی دستہ اس عالمی ایونٹ میں بھرپور تیاری کے ساتھ شریک ہو گا اور شائقین سے امید کی جاتی ہے کہ کھلاڑی بہترین کارکردگی کا مظاہرہ کریں گے اور تمغے جیت کر ملک کا نام روشن کریں گے۔
