مدینہ منورہ – پاکستان کے معروف صنعتکار چوہدری فیصل ممتاز کی صاحبزادی اصفیٰ فیصل کا نکاح گوجرانوالہ کے ممتاز صنعتکار محمد طارق (کوہِ نور انڈسٹریز) کے صاحبزادے شہر یار طارق سے مسجد نبویؐ میں ادا کیا گیا۔ یہ بابرکت اور پروقار تقریب قریبی عزیز و اقارب اور دیگر معزز شخصیات کی موجودگی میں منعقد ہوئی۔
نکاح کی استقبالیہ تقریب میں مسجد نبویؐ کے امام و مؤذن شیخ ایاد شکری نے خصوصی شرکت کی اور نوبیاہتا جوڑے کو دعاؤں اور نیک تمناؤں سے نوازا۔ نکاح کی اس روحانی محفل میں دونوں خاندانوں کے اہم افراد سمیت دیگر معروف شخصیات بھی شریک ہوئیں جبکہ مسجد نبویؐ کے متعدد آئمہ کرام نے بھی اپنی مبارکباد پیش کی۔
مراسم نکاح کے بعد نوبیاہتا جوڑے نے روضہ رسولؐ پر حاضری دی، درود و سلام پیش کیا، اور اپنی آئندہ زندگی کی کامیابی، خوشیوں اور بابرکت مستقبل کے لیے بارگاہِ الٰہی میں دعا کی۔
