وزیرِ دفاع پاکستان خواجہ محمد آصف نے ورلڈ ڈیفنس شو کے موقع پر پاکستانی اور سعودی عرب کی نمایاں دفاعی کمپنیوں کے مختلف اسٹالز کا دورہ کیا۔
اس موقع پر چیف آف دی نیول اسٹاف ایڈمرل نوید اشرف اور سیکریٹری وزارتِ دفاع پیداوار جنرل چراغ حیدر بھی ان کے ہمراہ موجود تھے۔
دورے کے دوران وزیرِ دفاع نے جدید دفاعی ٹیکنالوجیز اور مصنوعات کا تفصیلی جائزہ لیا اور دفاعی صنعت سے وابستہ نمائندگان سے ملاقاتیں کیں۔ اس موقع پر دو طرفہ دفاعی تعاون کے فروغ اور مشترکہ منصوبوں کے امکانات پر بھی گفتگو کی گئی۔
