سعودی عرب میں مقیم معروف سیاسی و سماجی شخصیت اور مسلم لیگ (ن) سعودی عرب کے صدر جناب شیخ سعید کی جانب سے سفارت خانۂ پاکستان کے قونصلر محترم جناب توصیف خاور صاحب کے اعزاز میں ایک پروقار الوداعی تقریب کا اہتمام کیا گیا۔ اس موقع پر سفارتی و سماجی شخصیات سمیت پاکستانی کمیونٹی کے نمایاں اراکین کی بڑی تعداد نے شرکت کی۔
تقریب کے دوران مقررین نے توصیف خاور صاحب کی خدمات کو زبردست خراجِ تحسین پیش کرتے ہوئے کہا کہ انہوں نے اپنے دورِ ذمہ داری میں پاکستانی کمیونٹی کے مسائل کے حل اور سفارتی روابط کے فروغ کے لیے گرانقدر کردار ادا کیا۔
اس موقع پر نو تعینات قونصلر جناب محمد حمزہ کو خوش آمدید کہا گیا اور ان کے لیے نیک تمناؤں کا اظہار کیا گیا۔ شرکائے تقریب نے امید ظاہر کی کہ محمد حمزہ صاحب اپنے پیش رو کی روایت کو برقرار رکھتے ہوئے پاکستانی کمیونٹی کے لیے مزید سہولیات فراہم کریں گے۔
صدر مسلم لیگ (ن) سعودی عرب شیخ سعید نے تقریب سے خطاب کرتے ہوئے کہا کہ پاکستانی کمیونٹی وطن عزیز کا قیمتی سرمایہ ہے، اور ہمیں اپنی صفوں میں اتحاد، تعاون اور مثبت کردار کو فروغ دینا چاہیے۔ انہوں نے توصیف خاور صاحب کی خدمات کو سنہری حروف میں یاد رکھنے کا عزم کیا۔
تقریب کے اختتام پر معزز مہمانوں کے اعزاز میں عشائیہ دیا گیا ۔
