ریاض: انسٹی ٹیوشن آف انجنیئرز پاکستان، سعودی عربیہ سینٹر کے زیرِ اہتمام سعودی دارالحکومت ریاض میں مصنوعی ذہانت (AI) کے موضوع پر ایک اہم سیمینار منعقد کیا گیا، جس میں پاکستانی سفیر احمد فاروق سمیت انجنیئرز اور پیشہ ور افراد کی بڑی تعداد نے شرکت کی۔
سیمینار کے دوران مقررین نے موجودہ دور میں مصنوعی ذہانت کی بڑھتی ہوئی اہمیت اور مستقبل میں اس کے وسیع تر استعمال پر تفصیلی اظہارِ خیال کیا۔ ڈاکٹر نوہد شیروانی نے اپنے خطاب میں کہا کہ دنیا تیزی سے AI کے استعمال کی جانب بڑھ رہی ہے، اور ملٹی نیشنل کمپنیوں کے ساتھ ساتھ سرکاری و نیم سرکاری ادارے بھی اس ٹیکنالوجی کو اپنا رہے ہیں۔ انہوں نے زور دیا کہ سعودی عرب اور پاکستان میں مقیم نوجوانوں کو چاہیے کہ وہ مصنوعی ذہانت کی تعلیم حاصل کریں اور اپنی پیشہ ورانہ صلاحیتوں کو مزید نکھاریں۔
پاکستانی سفیر احمد فاروق نے اپنے خطاب میں کہا کہ سعودی عرب AI کے شعبے کو بھرپور فروغ دے رہا ہے، اور یہ ایک ایسا میدان ہے جہاں پاکستانی ماہرین کے لیے روزگار کے بہترین مواقع موجود ہیں۔
نے کہا کہ ادارہ ہمیشہ ایسے سیمینارز کے انعقاد کے لیے کوشاں رہا ہے جو پاکستانی انجنیئرز اور طلباء میں جدید ٹیکنالوجی اور جدت کے فروغ کا باعث بنیں، اور اس سلسلے میں ادارہ کامیابی کے ساتھ آگے بڑھ رہا ہے۔
