سعودی عرب کے دارالحکومت ریاض میں اسلامی یکجہتی کھیلوں کے چھٹے ایڈیشن کی شاندار افتتاحی تقریب منعقد ہوئی۔ اس موقع پر پاکستان سمیت 57 اسلامی ممالک کے ایتھلیٹس، آفیشلز اور معزز مہمانوں نے شرکت کی۔
تقریب کے دوران مختلف ممالک کے کھلاڑیوں نے اپنے قومی پرچم تھامے مارچ پاسٹ کیا، جس سے اتحادِ امت اور بین الاقوامی کھیلوں کے فروغ کا حسین منظر پیش ہوا۔ عربی ثقافت، موسیقی، روایتی رقص اور شاندار آتش بازی نے تقریب کو یادگار بنا دیا۔
اس ایونٹ میں 3,000 سے زائد ایتھلیٹس حصہ لے رہے ہیں، جو مختلف کھیلوں میں اپنے ملک کا نام روشن کریں گے۔ پاکستان کا دستہ بھی جوش و جذبے کے ساتھ افتتاحی تقریب میں شریک ہوا۔
تقریب کے اختتام پر سعودی عرب کی جانب سے اسلامی ممالک کے درمیان بھائی چارے، امن اور کھیلوں کے ذریعے مثبت تعلقات کے فروغ کے عزم کا اظہار کیا گیا۔
