ریاض: اسلامی یکجہتی کھیل 2025 میں باکسنگ کے مقابلوں کے دوران پاکستان کے باکسر قدرت اللہ نے شاندار کارکردگی کا مظاہرہ کرتے ہوئے سیمی فائنل میں جگہ بنا لی۔
مردوں کے 55 کلوگرام کیٹیگری میں قدرت اللہ نے اپنے سوڈانی حریف یوسف حسا عبدالعزیز محمد عثمان کو زبردست اور سنسنی خیز مقابلے کے بعد شکست دی۔ اس کامیابی کے ساتھ ہی قدرت اللہ نے پاکستان کے لیے کم از کم کانسی کا تمغہ یقینی بنا لیا ہے۔
پاکستانی شائقینِ کھیل، کھیلوں کے حلقے اور پاکستان باکسنگ فیڈریشن نے قدرت اللہ کی اس شاندار کامیابی پر مسرت اور فخر کا اظہار کیا ہے۔ یہ جیت پاکستان کے لیے اعزاز اور حوصلہ افزائی کا لمحہ ہے۔
قدرت اللہ نے اپنے عزم کا اظہار کرتے ہوئے کہا کہ وہ سیمی فائنل میں مزید بہتر کارکردگی دکھانے کے لیے پرعزم ہیں تاکہ پاکستان کے لیے سونے کا تمغہ حاصل کیا جا سکے۔
