ریاض-سعودی عرب کے دارالحکومت ریاض میں پاکستانی کمیونٹی کے باہمی اتحاد، بھائی چارے اور ثقافتی ہم آہنگی کو فروغ دینے کے لیے ایک پروقار افطار تقریب کا انعقاد کیا گیا۔
یہ تقریب معروف پاکستانی بزنس مین حاجی عبدالواحد کی جانب سے منعقد کی گئی، جس میں مختلف شعبہ ہائے زندگی سے تعلق رکھنے والی نمایاں شخصیات نے شرکت کی۔
تقریب میں پاکستان ایمبیسی کے عہدے داران، سیاسی، ادبی اور مذہبی حلقوں سے وابستہ معزز شخصیات سمیت بڑی تعداد میں پاکستانی کمیونٹی کے افراد شریک ہوئے۔ شرکاء نے اس موقع پر نہ صرف افطار کیا بلکہ باہمی روابط کو مضبوط بنانے اور اوورسیز پاکستانیوں کے کردار پر بھی تبادلۂ خیال کیا۔
تقریب میں خالد اکرم رانا, زاہد سندھو, زاہد بٹ ,عماد,شیرازی,ڈاکٹر خواجہ تقی اور دیگر شرکاء کا کہنا تھا کہ حاجی عبدالواحد ایک خوش اخلاق اور باصلاحیت شخصیت کے مالک ہیں، جنہوں نے مختصر عرصے میں سعودی عرب میں اپنی کاروباری صلاحیتوں کے ذریعے نمایاں مقام حاصل کیا۔
انہوں نے اپنی محنت، دیانتداری اور پیشہ ورانہ صلاحیتوں کے باعث نہ صرف اپنے کاروبار کو کامیابی سے مستحکم کیا بلکہ پاکستانی کمیونٹی کے لیے بھی ایک مثبت مثال قائم کی۔
شرکاء نے حاجی عبدالواحد کو “فخرِ پاکستان” قرار دیتے ہوئے کہا کہ بیرونِ ملک پاکستانی کاروباری افراد ملک کا مثبت تشخص اجاگر کرنے میں اہم کردار ادا کر رہے ہیں۔
ان کا کہنا تھا کہ ایسی تقریبات کمیونٹی کے درمیان اتحاد، محبت اور ہم آہنگی کو فروغ دیتی ہیں اور نئی نسل کے لیے بھی ایک مضبوط پیغام ثابت ہوتی ہیں۔
تقریب خوشگوار ماحول میں اختتام پذیر ہوئی جہاں شرکاء نے مستقبل میں بھی اس نوعیت کی اجتماعی سرگرمیوں کے انعقاد کی ضرورت پر زور دیا۔
