سعودی عرب میں پاکستان کے سفیر احمد فاروق نے مدینہ منورہ کے گورنر شہزادہ سلمان بن سلطان بن عبدالعزیز سے ملاقات کی، جس میں باہمی دلچسپی کے امور پر تبادلہ خیال کیا گیا۔
ملاقات کے دوران پاکستان اور سعودی عرب کے درمیان تاریخی اور گہرے برادرانہ تعلقات پر گفتگو کی گئی۔ دونوں رہنماؤں نے دوطرفہ تعلقات اور مختلف شعبوں میں تعاون کو مزید مضبوط بنانے کے امکانات کا جائزہ لیا۔
اس موقع پر مستقبل میں پاک-سعودی تعلقات کو مزید فروغ دینے اور مختلف شعبوں میں تعاون بڑھانے کے عزم کا اعادہ بھی کیا گیا۔
