ریاض :سعودی عرب کے دارالحکومت ریاض میں سینئر صحافی اور پاک میڈیا فورم کے نائب صدر رانا عظیم کے جنم دن کے موقع پر ایک خوبصورت تقریب کا انعقاد کیا گیا،
جس میں پاکستان مسلم لیگ (ن) کے سینئر نائب صدر خالد اکرم رانا، سینئر رہنما سردار شعیب، چوہدری خادم حسین بجاڑ، قاضی شہزاد، ارشد بھٹی اور دیگر ساتھیوں نے شرکت کی۔
اس موقع پر تمام رہنماؤں نے رانا عظیم کے ہمراہ کیک کاٹا اور نیک تمناؤں کا اظہار کیا۔
پاکستان مسلم لیگ (ن) کے سینئر نائب صدر خالد اکرم ران کا کہنا تھا کہ رانا عظیم ایک طویل عرصے سے سعودی عرب میں مقیم ہیں اور کئی سالوں سے صحافت کے شعبے میں بہترین خدمات انجام دے رہے ہیں۔ وہ اوورسیز پاکستانیوں کی آواز ہیں اور کمیونٹی کی بھرپور نمائندگی کرتے ہیں۔انہوں نے مزید کہا کہ آج ہم نے ان کے اعزاز میں یہ تقریب منعقد کی ہے اور ان کی خوشی میں شریک ہو کر اپنی نیک خواہشات کا اظہار کیا ہے۔
دیگر شرکاء نے بھی رانا عظیم کی خدمات کو سراہتے ہوئے ان کی مزید کامیابیوں اور خوشیوں کے لیے دعا کی۔
