قاہرہ — پاکستانی سفارتخانہ قاہرہ، مصر کے زیرِ اہتمام جامعہ الازہر میں زیرِ تربیت 19 پاکستانی ائمہ کے وفد کی میزبانی کا اہتمام کیا گیا۔
اس موقع پر سفیر پاکستان برائے مصر جناب عامر شوکت نے خصوصی طور پر شرکت کی۔ پاکستانی سفارتخانہ قاہرہ کے حکام بھی اس موقع پر موجود تھے۔ سفیر پاکستان نے اس تربیتی پروگرام کو پاکستان اور مصر کے درمیان دینی، علمی اور ثقافتی تعلقات کو مضبوط بنانے کے لیے ایک اہم اقدام قرار دیا۔
تقریب میں جامعہ الازہر کی ممتاز علمی شخصیت، مجلسِ کبار العلماء کے سیکرٹری جنرل اور ورلڈ آرگنائزیشن فار الازہر گریجویٹس کے صدر شیخ عباس شومان نے بھی شرکت کی۔ انہوں نے پاکستانی ائمہ کی تربیت کو سراہتے ہوئے کہا کہ یہ اقدام اعتدال، رواداری اور پرامن اسلام کے فروغ میں اہم کردار ادا کرے گا۔
یہ پروگرام پاکستان اور مصر کے درمیان علمی و مذہبی تعاون کو مزید فروغ دینے کی جانب ایک اہم پیش رفت ہے۔
