فرینکفرٹ: پاکستان کے جدید رہائشی اور رئیل اسٹیٹ منصوبے نیو ایئرپورٹ سٹی اسلام آباد کی جرمنی میں تعارفی تقریب کا انعقاد کیا گیا، جس کے مہمانِ خصوصی نیو ایئرپورٹ سٹی اسلام آباد کے چیئرمین راجہ سجاد حسین تھے۔
تقریب کا اہتمام سید خرم شاہ، ممبر انٹرنیشنل پریس کلب جرمنی کی جانب سے راجہ سجاد حسین کے اعزاز اور نیو ایئرپورٹ سٹی اسلام آباد کی جرمنی میں تعارفی لانچ کے موقع پر کیا گیا۔ تقریب روسلزہائم (Rüsselsheim) کے شاہی تندوری ریسٹورنٹ میں منعقد ہوئی، جس میں جرمنی میں مقیم اوورسیز پاکستانی بزنس کمیونٹی، صحافتی، سماجی اور کاروباری شخصیات نے شرکت کی اور راجہ سجاد حسین کا پرتپاک استقبال کیا۔
تقریب کے دوران سید خرم شاہ کو نیو ایئرپورٹ سٹی اسلام آباد کے لیے جرمنی کا سیلز کنٹری ہیڈ مقرر کیے جانے کا بھی اعلان کیا گیا۔
اس موقع پر پاکستان میں اوورسیز پاکستانیوں کی رئیل اسٹیٹ سرمایہ کاری، سرمایہ کے تحفظ اور جدید و محفوظ رہائشی منصوبوں کی ضرورت پر تفصیلی گفتگو ہوئی۔ مقررین نے کہا کہ بیرونِ ملک مقیم پاکستانی اپنی برسوں کی محنت سے حاصل کی گئی جمع پونجی پاکستان میں لگانے میں دلچسپی رکھتے ہیں، تاہم ان کے لیے سرمایہ کاری کرتے وقت قانونی تحفظ، شفافیت اور سرمایہ کے تحفظ بنیادی ترجیحات ہیں۔
نیو ایئرپورٹ سٹی اسلام آباد کی انتظامیہ کے مطابق منصوبے کو بالخصوص اوورسیز پاکستانیوں کی ضروریات اور بین الاقوامی معیارِ زندگی کو مدنظر رکھتے ہوئے ترقی دی جا رہی ہے۔ منصوبے میں جدید انفراسٹرکچر، قانونی تقاضوں، صاف ستھرے ماحول اور گرین و سولر انرجی سمیت جدید سہولیات پر خصوصی توجہ دی گئی ہے۔
چیئرمین راجہ سجاد حسین نے تقریب سے خطاب کرتے ہوئے منصوبے پر اپنے اعتماد کا اظہار کیا۔ انہوں نے کہا کہ ان کی اپنی زندگی بھر کی جمع پونجی بھی اس منصوبے اور سرمایہ کاری سے وابستہ ہے، اس لیے وہ کسی ایسے اقدام کا حصہ نہیں بنیں گے جس سے ان کی اپنی سرمایہ کاری یا منصوبے سے وابستہ افراد کے مفادات متاثر ہوں۔
انہوں نے کہا کہ نیو ایئرپورٹ سٹی اسلام آباد کو محض ایک روایتی ہاؤسنگ منصوبے کے طور پر نہیں بلکہ ایک جدید، منظم اور معیاری رہائشی منصوبے کے طور پر متعارف کرانے کی کوشش کی جا رہی ہے، جہاں مقامی اور اوورسیز پاکستانی جدید طرزِ زندگی کی سہولیات سے استفادہ کر سکیں۔
منصوبے کی نمایاں خصوصیات میں قانونی طور پر زمین کی خرید، سرمایہ کاری کے تحفظ کے اقدامات، ماحول دوست گرین اور سولر انرجی سسٹم، جدید بنیادی ڈھانچہ، کشادہ سڑکیں، صاف پانی، معیاری تعلیمی ادارے، مساجد اور دیگر ضروری شہری سہولیات شامل ہیں۔
تقریب کے شرکاء نے نیو ایئرپورٹ سٹی اسلام آباد کی جرمنی میں تعارفی سرگرمی کو خوش آئند قرار دیتے ہوئے امید ظاہر کی کہ اس منصوبے سے اوورسیز پاکستانیوں کے لیے پاکستان میں جدید رہائش اور رئیل اسٹیٹ کے شعبے میں سرمایہ کاری کے نئے مواقع پیدا ہوں گے۔
تقریب کے اختتام پر نیو ایئرپورٹ سٹی اسلام آباد کی انتظامیہ کے لیے نیک خواہشات کا اظہار کیا گیا اور منصوبے کی کامیابی و ترقی کے لیے دعا کی گئی۔
