ریاض: سعودی عرب میں معروف کاروباری شخصیت توصیف گورایہ کی جانب سے پاکستان کے 80ویں یومِ آزادی کے موقع پر ایک پروقار تقریب کا انعقاد کیا گیا، جس میں پاکستانی کمیونٹی کے نمائندگان، کاروباری شخصیات، کمپنی کے ملازمین اور معزز مہمانوں نے بھرپور شرکت کی۔تقریب پاکستان سے محبت، قومی یکجہتی اور ملی جوش و جذبے سے بھرپور رہی۔ اس موقع پر شرکاء نے وطنِ عزیز کی ترقی، خوشحالی، استحکام اور سربلندی کے لیے نیک خواہشات کا اظہار کیا۔اس موقع پر توصیف گورایہ نے کہا کہ پردیس میں رہتے ہوئے اپنے وطن کی آزادی کا جشن منانا ہر پاکستانی کے لیے ایک منفرد اور جذباتی موقع ہے۔ انہوں نے کہا کہ پاکستان کی آزادی ہمارے لیے ایک عظیم نعمت ہے اور ہم سب کی ذمہ داری ہے کہ وطن کی ترقی، خوشحالی اور استحکام کے لیے اپنا بھرپور کردار ادا کریں۔
انہوں نے پاکستان، سعودی عرب اور ترکیہ کے درمیان بڑھتے ہوئے تعاون کو بھی خوش آئند قرار دیتے ہوئے کہا کہ برادر ممالک کے درمیان مضبوط ہوتے تعلقات اور باہمی تعاون پوری پاکستانی قوم کے لیے باعثِ فخر ہیں۔ انہوں نے امید ظاہر کی کہ مستقبل میں ان تعلقات کو مزید فروغ ملے گا اور تینوں ممالک کے درمیان تعاون کے نئے مواقع پیدا ہوں گے۔تقریب کے دوران بہترین کارکردگی کا مظاہرہ کرنے والے کمپنی کے ملازمین میں کیش پرائزز بھی تقسیم کیے گئے، جبکہ گیسٹ آف آنر اور معزز مہمانوں کا گلدستے پیش کرکے پرتپاک استقبال کیا گیا۔تقریب کے اختتام پر شرکاء نے پاکستان کی سلامتی، ترقی، خوشحالی اور استحکام کے لیے نیک تمناؤں کا اظہار کیا اور **”پاکستان زندہ باد، پاکستان پائندہ باد” کے نعروں سے محفل کو گرما دیا۔بعد ازاں یومِ آزادی کی مناسبت سے خصوصی کیک کاٹا گیا۔ شرکاء نے ایک دوسرے کو جشنِ آزادی کی مبارکباد پیش کی اور اس یادگار موقع کو خوشی، محبت اور قومی جذبے کے ساتھ منایا۔
