الجبیل: سعودی عرب کے شہر الجبیل میں پاکستان کا یومِ آزادی 14 اگست قومی جوش و جذبے اور وطن سے محبت کے اظہار کے ساتھ منایا گیا۔ تقریب میں پاکستانی کمیونٹی کی بڑی تعداد نے شرکت کی اور پاکستان سے اپنی گہری وابستگی کا اظہار کیا۔
تقریب میں پوٹھواری ثقافت اور روایتی فنِ شعرخوانی کو خصوصی طور پر اجاگر کیا گیا۔ معروف شعرخوان راجہ شوکت، فیصل بھٹی اور راجہ شیراز نے اپنے فن کا شاندار مظاہرہ پیش کیا، جسے شرکاء نے بھرپور داد دی۔
اس موقع پر چوہدری شاہد، چوہدری طالب، چوہدری عاطف اجمل، عامر کیانی، راجہ زین، سہیل جٹ، راجہ عمر، راجہ سہیل، رانا ابرار، راجہ عاصم اور مدثر اقبال تاٹر سمیت پاکستانی کمیونٹی کی اہم شخصیات نے شرکت کی۔
شرکاء نے پاکستان کے یومِ آزادی کی خوشی مناتے ہوئے قومی یکجہتی، بھائی چارے، باہمی محبت اور وطن سے وفاداری کے عزم کا اظہار کیا۔ تقریب میں پاکستانی ثقافت اور روایتی اقدار کی خوبصورت عکاسی بھی دیکھنے میں آئی۔
الجبیل میں منعقد ہونے والی یہ شاندار تقریب سعودی عرب میں مقیم پاکستانیوں کی وطن سے محبت، قومی یکجہتی اور اپنی ثقافتی روایات سے وابستگی کی خوبصورت مثال بن گئی۔
