لاہور: پاک سعودی انٹرنیشنل ڈیپارٹمنٹ کے چیئرمین، سعودی عرب کرکٹ ٹیم کے سابق کوچ اور سابق فرسٹ کلاس کرکٹر ندیم بابر، اسسٹنٹ منیجر پاک سعودی انٹرنیشنل کرکٹ ٹیم اور پاکستان فزیکل ڈس ایبل کرکٹ ایسوسی ایشن کے بانی رکن و میڈیا منیجر محمد نظام نے لاہور پریس کلب کا دورہ کیا۔
اس موقع پر جوائنٹ سیکرٹری لاہور پریس کلب عمران شیخ، صدر پاکستان اسپورٹس جرنلسٹس فیڈریشن محمد اقبال ہارپر، سیکرٹری محمد بابر، سینئر صحافی رفیق خان، ایسوسی ایشن آف فوٹو جرنلسٹس لاہور کے صدر وسیم نیاز، سینئر فوٹو جرنلسٹس پرویز الطاف اور صداقت مغل، ممبر گورننگ باڈی لاہور پریس کلب خواجہ سرمد اور دیگر صحافی شخصیات نے معزز مہمانوں کا استقبال کیا۔
ملاقات کے دوران کھیلوں کے فروغ، پاکستان اور سعودی عرب کے درمیان اسپورٹس روابط کے استحکام، نوجوان کھلاڑیوں کی حوصلہ افزائی اور خصوصی افراد کے لیے کرکٹ کے مواقع بڑھانے سے متعلق امور پر تبادلہ خیال کیا گیا۔
دورے کے اختتام پر شرکاء نے یادگاری گروپ فوٹو بنوائی اور کھیلوں کی ترقی اور پاک سعودی دوستانہ تعلقات کے مزید فروغ کے عزم کا اظہار کیا۔
