ریاض: سعودی عرب کے دارالحکومت ریاض میں پاکستان انٹرنیشنل پراپرٹی ایکسپو (PIPEX) ریاض 2026 کی گرینڈ لانچنگ تقریب شاندار انداز میں منعقد ہوئی، جس میں اعلان کیا گیا کہ 24 اور 25 جولائی 2026 کو PIPEX پراپرٹی ایکسپو کا انعقاد ریاض میں کیا جائے گا۔ یہ PIPEX کا 13واں بین الاقوامی ایڈیشن ہوگا، جس میں پاکستان کی منظور شدہ، قانونی اور این او سی یافتہ ہاؤسنگ سوسائٹیز اور رئیل اسٹیٹ منصوبے اوورسیز پاکستانیوں کے لیے پیش کیے جائیں گے۔
تقریب سے خطاب کرتے ہوئے PIPEX کے چیئرمین عمران خٹک نے کہا کہ PIPEX نے ہمیشہ شفافیت، اعتماد اور معیار کو اپنی اولین ترجیح بنایا ہے۔ انہوں نے کہا کہ اس سال بھی صرف مستند، قانونی اور متعلقہ سرکاری اداروں سے منظور شدہ ہاؤسنگ سوسائٹیز اور رئیل اسٹیٹ منصوبوں کو نمائش کا حصہ بنایا جا رہا ہے تاکہ اوورسیز پاکستانی مکمل اعتماد اور اطمینان کے ساتھ محفوظ سرمایہ کاری کر سکیں۔
تقریب کے مہمانِ خصوصی دی ہانس گلوبل گروپ کے چیئرمین میاں منیر ہانس تھے۔ انہوں نے اپنے خطاب میں کہا کہ PIPEX نے پاکستان، دبئی اور دیگر ممالک میں کامیاب پراپرٹی نمائشوں کے ذریعے اپنی منفرد شناخت قائم کی ہے۔ انہوں نے یقین ظاہر کیا کہ ریاض میں ہونے والی یہ نمائش اپنے بہترین انتظامات، پیشہ ورانہ معیار اور عالمی طرز کے انعقاد کے باعث ایک کامیاب اور یادگار ایونٹ ثابت ہوگی۔
لانچنگ تقریب میں PEF کے چیئرمین منیر احمد شاد، بابائے ریاض، سینئر صحافی رانا عظیم، وسیم خان، زاہد بٹ، احسن عباسی سمیت متعدد ممتاز کاروباری شخصیات، کمیونٹی رہنماؤں اور سماجی شخصیات نے شرکت کی۔ مقررین نے اوورسیز پاکستانیوں پر زور دیا کہ وہ 24 اور 25 جولائی 2026 کو منعقد ہونے والی PIPEX ریاض پراپرٹی ایکسپو میں بھرپور شرکت کریں، پاکستان کے مستند رئیل اسٹیٹ منصوبوں سے آگاہی حاصل کریں اور محفوظ و منافع بخش سرمایہ کاری کے مواقع سے فائدہ اٹھائیں۔
تقریب کے اختتام پر شرکاء نے اس عزم کا اظہار کیا کہ PIPEX ریاض 2026 اوورسیز پاکستانیوں اور پاکستان کے رئیل اسٹیٹ سیکٹر کے درمیان سرمایہ کاری، اعتماد اور باہمی تعاون کو فروغ دینے میں اہم کردار ادا کرے گا، جبکہ پاکستان کے رئیل اسٹیٹ شعبے کو عالمی سطح پر مزید متعارف کرانے کا ذریعہ بھی بنے گا۔
