ریاض: پاکستان مسلم لیگ ن سعودی عرب کے زیر اہتمام سعودی عرب کے 96ویں یومِ وطنی کے حوالے سے ریاض میں خصوصی تقریب کا انعقاد کیا گیا، جس میں جیزان سے مسلم لیگ ن کے صدر راشد گجر نے خصوصی شرکت کی۔ تقریب میں مسلم لیگ ن سعودی عرب کے عہدیداران، رہنماؤں اور پاکستانی کمیونٹی کی بڑی تعداد نے شرکت کی۔
تقریب کے شرکاء نے سعودی عرب کی قیادت اور عوام کو یومِ وطنی کی مبارکباد پیش کرتے ہوئے مملکت کی ترقی، خوشحالی اور استحکام کے لیے نیک خواہشات کا اظہار کیا۔
اس موقع پر مسلم لیگ ن سعودی عرب کے صدر شیخ سعید احمد، سینئر نائب صدر محمود الحق ڈوگر، جیزان کے صدر راشد گجر، ریاض ریجن کے صدر عدنان بٹ، کوآرڈینیٹر ریاض ریجن چوہدری سجاد علی، صدر کے پی کے ونگ فضل رحیم صافی، صدر ایسٹ ریاض ریجن چوہدری جمیل ربانی اور سرپرستِ اعلیٰ ریاض ریجن مخدوم امین تاجر سمیت دیگر رہنماؤں نے کہا کہ پاکستان اور سعودی عرب کے درمیان تاریخی، برادرانہ اور دوستانہ تعلقات انتہائی مضبوط ہیں۔
رہنماؤں نے اس عزم کا اظہار کیا کہ دونوں ممالک کے عوام کے درمیان محبت، دوستی اور برادرانہ تعلقات کو مزید فروغ دینے کے لیے مثبت کردار جاری رکھا جائے گا۔
تقریب کے اختتام پر سعودی عرب کے یومِ وطنی کی خوشی میں کیک کاٹا گیا، جبکہ شرکاء نے پاک سعودی دوستی زندہ باد کے نعرے بھی لگائے۔
